Close

Jatni dakbewalrang aro ripinganirang

wangala_2

A·chikrangni bang·bata manianiranga aro daka rikanirang ge·e game cha·anio pangchake maniarang ong·bata. Ua maniarangoni ‘Wangala’ an mongsonggipa maniani ong·a, jekon mi misko ratman tetmanani ja·mano patigipa ra·rongipa Misi Saljongko mitepilskaani gita maniani ong·a. Ia manianiko dakna dingtangmancha manchie dongimin sal aro tarikrang dongja, aro song damsa oni damgipinona ia maniani sal aro tarikrang dingtanggrika indiba ia maniako october ba November jani gisepo manironga. Ia maniarangko dakna songni ba a·kingni Nokmarang jako ra·e ka·dilronga. Manianiko a·bachengna skang bang·a cha·anirangko aro chu bitchirangko song·e donsamsoa. Ia manianio mia me·a aro me·chikrang uamangni dingtang dingtang rongrangni ganding chindingrangko gane riting riting dake dama, rang-rangko dokanaaro adilko sikana chro chro  ja·ku apsan de·e chrokanian an·sengbatgipa aro nina nitogipa bak ong·a.

Una agreba, Ajema roa, Mi su·a, Chambil moa, Do·kru sua, Kambe toa, Galwang roa, Napsepgrika aro gipin chrokanirangkoba ia maniao chrok mesaaniko dakronga.

Garo Architecture

Jamadal

Garo Hills a·gimikon apsan dakgipa nok rikani bewalrangko ba architectureko nikna mana. Biaptango ba  sepango altue man·gipa nok rikani bosturang jekai bol, waa, re aro am·pangrangko  jakkalbata. Garorangni nok rikani architecture ko kamao mesokgimingita bak dakna mana:

Nokmong:

 Ia noko A·chik nokdangni manderang tombimonge dongna gita man·a. Ia nokni ningo, chu·ongagita nanga kutturirang jekai, turam, wal·tim, kaldik, babilchi, chi chimongchakani, chu cheke donchakram biap, matchu nol rang gnang.

tree house

Nokpante:

Garorangni songdonggipa biapo, bia kakugijagipa me·asaragni dongchakram biapko Nokpante ine minga. Nokpanteni miksongani panterangni dongchakram nok ine ong·a.  Nokpanteko mongsongbate songni Nokmani nok sa·rao rika. Gama ge·ani, daka rikanirang, jatni dakbewalrang aro dintang dintang kalsusaaniragko Nokpanteon skie raaniko daka.

Jamsreng:

Badiaba badia mi a·palrago ba bagan barirango chongipa noktopko rika. Ia noktopkon Jamsreng ine minga. Bilsi karinigita mangipa bolam biterangko chimongnagita ba tuna gita ia jamsrengko jakkala.

Jamatal: 

A·bao nok chone rike dongipako jamatal ine minga. Badiaba biaprangode jeon matburungna kenggni donga, uandakipa biaprango bol rikeo chonggipa nokko  jang·ke gnang rika. Ia bolni kosakko rikgipa noko Bo·rang ine minga.

Bandasal:

Ian neng·takram biap gita ong·a. Nokmani nokmikkango ia Bandasalko rikbata. 

Jam nok:

Game ge·e mangipa mi bigil rangko ba bitchilragko chimonge dona gita Garorang nokni adita chel’ao jam nokko rika.