Menu Toggle
Aro gipinrang
Close

DCIC , Tura

Department-ni gimin

Meghalaya, Commerce & Industriesni department:

A·doko karkani bidingo daka rikanirangko aro un baksana bading chiwalani kamrangko nirok sandiani, namdapatani aro manderangna u·iatniko on·anian Commerce & Industries departmentni dakna nangchongmotgipa kamrang ong·a. Kragipa Industrial policyrangko aro schemerangko department tarie on·a aro a·dok aro ma·mong sorkanini programmerangkoba ra·gata.  Departmentni mongsonggipa kamara policyrangko aro strategyrangko tarina nangchongmotgipa bimang ba framework ko tarie on·anian onga aro uni jamano karkanarangni bidingo daka rikanirangko aro bading chiwalgiparang aro uamangoniko brenagiparangni gisepo  bading chiwalani biap ba anti rangko tarie on·an baksana districto karkanarangni tangdoaniko ta·rakbatatani ong·a. Commerce & Industries ni Directorate, District Commerce and Industries Centrerang baksa nangrime districto  dintang dingtang Schemerang aro programmerangko  abachengatna ba ragata. A·doko badingchiwalgiparangna , chona dal·a gimiknan department dakchakaniko on·a aro ia joltangni badingchiwalgiparangni nanggipa informationrangko www.udyamregistration[dot]gov[dot]in  o online gita segate rakia.

Sawa mai gadango kam ka·enga:

Officerrangni bimung aro kam ka·ani gadang
Sl. No Bimung Kam ka·ani gadang Email id
1. Shri.Lewinberth Ch Marak General Manager gmdcic[dot]wgh-meg[at]gov[dot]in
2. Shri. Sean Sengchang T sangma Functional Manager  
3. Shri. Federick A Sangma Functional Manager  
4. Shri. Rongsang N sangma Functional Manager  
5. Smti. Grikme Balgra M Sangma Functional Manager  
6. Shri. Freddy W Momin Asst. Director of Cottage Industries  
7. Smti. Biondie D Shira Functional Manager  
8. Shri. Mudesh Hajong Industrial Promotion Officer  

Scheme aro Kam Ka'anirang

Schemerang :

      • Meghalaya Industrial & Investment Policy Scheme, 2016 (MIIPS):

        Ia schemeni gita dakchakaniko man·a kragipa chona dala badingchiwalgipa gimikan, bading chiwalani rokomni kri dingtang dingtang tangka paisachi dakchakaniko man·a.

      • Prime Minister’s Employment Generation Programme (PMEGP):

        PMEGPara ma·mong sorkarini gita tangka paisa on·e dakchakgipa scheme ong·a. Ia schemeni ning·o, kam ka·kugijagipa chadamberang jemangan an·tangtang kam ka·e cha·na skengachim, uamang gitalgipa karkanarangko a·bachengna gita mittam tangka paisako bankoniko loanrangko man·a. Ia schemeni gita, chu·gimik nanga korosoniko 35 % rangko ma·mong sorkarioniko am·na gita man·a. Man·a kragipa sakantian ia scheme ko kviconline[dot]gov[dot]in gita online dorgasto galna man·gen.

      • Meghalaya Home Stay Scheme:

        Ia schemara ma·mong sorkani PMEGP baksa nangrime, kamgrikuenggipa  manderangna sokgiparangna noktango dongchakani ba nokachakaniko on·aniko a·bachengatna dakchakani ong·a. Ia schemeko Meghalayani Commerce & Industries department, Tourism department baksa nangrime jako ra·e kamko ka·enga. Ia schemeni gita 35 % tangka paisako Khadi Village & Industries Commisisoner aro 35 % ko Meghalaya Tourism oniko gitalgipa Noktango Nokachakani biapko a·bachengata gita am·na man·gen.

      • Apiculture Mission 2.0 :

        Apiculture Mission 2.o ko Horticulture department aro Commerce & Industries department melie a·bachengataha. Ia mission, bija jile cha·giparangna nambata gadangni skie on·anirangko aro uamangna dingtang dingtang nangarangko dakchakaniko on·a aro districtni dingtang dingtang bakrango bija bitchiko bikotani centrerangko kuliaha, unbaksana sud gri tangka paisarangko ra·srona gita dakchakanirangkoba on·a.

      • Scheme of Fund for Regeneration of traditional Industries (SFURTI) Scheme:

        Ia schemera ning·tua biaprango donggipa tom·dakgimin dolrangko namdapatna gita ong·a. MSME ni Ministry ia schemeko tom·dakgimin dolrangni namdakpaniko ra·doa gita a·bachengataha. Commerce & Industries department ia schemeko a·dokni dingtang dingtang ning·tua biaprango donggipa tom·dakgipmin dolrangna a·bachengate on·a gita dak·chakaha.

      • Training Inside and Outside the State Scheme:

        Segatgimin karkanarang ia schemeo bang·gija salna skie on·anirangko dakna dita dakchakanirangko am·na gita man·a. Skie ra·ani bakroa bakrojani kri skie ra·enggiparang bang·gija tangka paisarangko japrako man·a. Dingtang dingtang skie ra·anirang jekai, sika koani, sil ni bosturangklo tariani, aro indake gipinrang ko West Garo Hills Districtni DCIC o skie ra·na gita man·a, Gisik nanggipa sakantian, February a·bachenga aro March jani bon·angachipakni gisepo, DCIC, Turaona re·ange sing·sandiena gita man·gen.

      • Master Craftsman Scheme:

        Jatni daka rikanirangko changgipa sapgiparangna ia schemeni gita nambate changna gita skie on·anirangko daka aro skie on·manani ja·mano, ia changgipa sapgipa manderangkon tangka paisa on·e gipinrangna skie on·skachina seoka ba rakia. Skie ra·enggiparangna training programme matchotkujaona kingking bang·gija tangkarangko dormaha dake jaanti on·a.Master craftsman shemeni gita West Garo Hills Districto a·ani me·dikrangko tariani, kildingoniko dingtang dingtang bosturangko tarianai, bol ko bimang sol·ani, re aro wa·achi wata chengani aro indake gipinrangko skie ra·na gita man·a. Gisik nanggipa sakantian, February a·bachenga aro March jani bon·angachipakni gisepo, DCIC, Turaona re·ange sing·sandiena gita man·gen.

      • Rural Artisans Programme Scheme:

        Jatni dakbewalrango pangchake daka rikanirangko changgipa sapgiparangna, janggi tangani cholko dakna gita ia scheme dak·chakaniko on·a. Jatni daka rikkanirangko changgipa sapgiparang, gitalgipa chasongni chadamberangna skianiko on·e, jatni daka rikanirangni gimin ma·sianiko on·rikrikangna man·a aro ripingna gita dak·chaka. Je mandean jatni daka rikanio changgipa sapgipa ong·a aro departmento an·tangni bimungko segataha, bilsisana uamang, changa sapaniko namdapatani gimin skie on·anirangko daka, aro skie ra·enggipa sakantian bang·gija tangka paisarangko jaanti man·a aro department skigipana jaanti tangka paisa on·e dak·chakaniko on·skaa. A·ani bosturangko tariani, Garo rangni jakkalgipa doka damani bosturangko tariani, carpet tariani, kilni bosturangko jakchi tariani, ran·atgimin bibalrangko tarianirangko skie ra·na man·a. Gisik nanggipa sakantian, February a·bachenga aro March jani bon·angachipakni gisepo, DCIC, Turaona re·ange sing·sandiena gita man·gen.

      • Grant-in-aid :

        Master craftsman scheme, Rural artisan Programme scheme aro Training Inside and outside schemeni gita, departmental training centerrangoni skie ra·aniko matchote ra·gimin manderangna, chonchongipa karkanarangko namdapatna gita, bang·gija tangka paisarangko kam ka·na a·bachengna gita onan baksana, kam kan·ani kolrangkoba on·e department dak·chakenga.

      • Industrial Estate:

        Commerce & Industries department karkanako a·bachengna kam ka·chakram noko rik·na gita a·a ba biapkoba leaseo on·a. West Garo Hills Districtni Industrial Estate Tura ni Dakopgreo donga aro uano bang·a karkanini daka rikanirangko ka·enga, jekai sil ni kam, bol ratani mill, ba·ra dokani aro gipinrang.

Departmentni kam ka·anirang ba Activityrang:

      • Departmental Training Programme:

        DCICni ning·o dingtang dingtang changa sapanirangko namdapatna skie on·anirangko districtni Departmental training centerrango on·ronga. Dingtang dingtang skie ra·anirang jekai, sika koani, wata chengani , wa·ani aro reni bosturangko tarianani aro indake gipinrang ko West Garo Hills District o skie ra·na gita man·a, aro skie ra·enggiparangna jaantian banggija tangkarangkoba dormaha dake on·a. Gisik nanggipa sakantian, February a·bachenga aro March jani bon·angachipakni gisepo, DCIC, Turaona re·ange singsandiena gita man·gen.

      • State Awards for Handicraft Artisans:

        Commerce & Industries ni Directorate, bilsi antian  State Awards for Handicraftna seokna gita awardko man·a kragipa, changipara sapgipa manderangni bimungrangko Meghalaya a·dokni district gimikniko bi·ata ba am·ata. A·dokni awardko man·gipa manderangna departmentni gita dingtangmancha dakchakaniko man·a.

      • Meghalaya Emporiums:

        West Bengalni Kolkata aro damgipinra a·songni skotong songjinma Delhi o, Commerce & Industries department, a·dokni a·palo donggipa manderang, jemangan joltangno mangipa bosturangko brena sikgenchim, uamangna masiatana aro mesokaniko dakna gita Meghalaya sales emporiumrangko a·bachengataha. A·dokni sorkari nambatgipa bosturangko ia emporiumrangko mesokjringenga.

      • Annual District level Industrial Exhibition:

        DCIC bilsiantian changgipa sapgipa aro bading chiwalgiparangni bosturangko mesokna aro palna simna gita exhibitionrangko districto ong·atronga. Tura Industrial Fair, TIF 2022 ko SMELC Dakopgre o salgnina ong·ataha.

      • Industrial Awareness programmes, workshops and Entrepreneurship Development Programme:

        Bilsi antian dingtang dingtang biaprango, kam ka·kugijagipa chadamberang aro joltangni bading chiwalgipa me·chikrangko nisan done, department Karkana ba industry ni gimin mikrakatani ba masiatani salsani programerangko aro salbongani Entrepreneurship Development Programmerangko ong·atronga.

      • Apiculture mission:

        Bija ko jilani gimin Nokrek a·bidingni ja·reko Districtni Horticulture Department baksa  nangrime skie on·aniko dakaha. Skie ra·ani chu·sokani ja·mano certificatearo bija jilani nok ba bakosrangkoba suale on·aha

Chu'sokani golporang

Chu·sokgipa ong·ani golporang:

studiometamorp

1. M/s Megha Mustard Oil, Haripur :

M/s Megha Mustard Oil, Haripur, departmentni  MIIPs ni tangka paisachi, pala sim·anio dakchakanichi aro departmentni dingtang dingtang exhibitionrangko ong·atanichi  dakchakaniko man·e namgniko man·giparangoni ge·sa ong·a.

2. M/s Studio Metamorph:

PMEGP Scheme 2021-2022 ni gita Tra Rikmatchi D Shirana kni aro be·en na simsakani biap ba hair & skin care Centre ko Sora Complex o a·bachengna gita dakchakaniko on·aha.Tra Rikmatchini a·bachengdaldalgipa venture an daororo Tura jillao golpobatsrangipa ong·a. Kniko rong nongani aro una simsakanian Tra Rikmatchini ka·na ba dak·na chanbatgipa ong·a.

 

apicultuire mission

3. M/s Kutherson Honey,Walbakgre, Tura

Shri. Kutherson Ch Marak bijarangko maidake jilna nanga, uarangko skie ra·gimin mande ong·a aro ua PMEGP ni dakchakaniko man·e bija jilaniko a·bachengaha.Shri Kutherson Ch Marako te 20 bija nok ba bakosrang donga aro ia bija nokoniko bija bitchiko bikote janggi tangani cholko dakenga.

4. M/s Megha Stone Crushers, Zikkabari, West Garo hills:

MIIPs schemeni gita bang·a MSME rangna department dakchakaniko on·a, aro ua MSME rangoni ge·sa M/s Megha Stone Crushers ong·a.

blue van

5. Blue Van:

Blue Van ni nokgipa Shri. Andriano N Marak, an·tangni bading chiwalni kamko a·bachengna gita PMEGP ni loanko ra·aha. Shri. Andriano N Marak, ia cha·anirangko pala sim·aniko 2020 bilsio a·bachengataonin chu·sokaniko man·enga. Shri, Andriano N Marakni   Blue Vano  Tura jillao nambatgipa burger, wrap, noodle aro meatballrangko man·a.

6. Chiraz Footware Industry, Bokmagre:

Ma. Bristina R Marak aro Shri Sebastian K Sangma Chiraz Footware Industryko PMEGP scheme ni ning·o a·bachengataha.

Nokpante studio

7. M/S Marak LED Bulb, Dakopgre

Shri. Silseng R Marak karkanako Dakopgreo a’bachengataha aro ua LEB bulb, LEB Flood aro LEDS tube lighrangko ia karkanao taria.

8. M/s Nokpante Productions,Araimile, Tura

Shri Mikhail Ch Momin saksa dokna damna changgipa mande ong’a. PMEGP schemeni gita dakchakaniko man’e Shri. Mikhail Ch Momin ge’sa music studio ko man’aha aro ia music studio knatobegipa Garo gitrangko seenga aro tarienga. Una agreba bia gipin gitalgipa dokna damna changgipa manderangna namgipa knatogipa gitrang aro videorangrangko tarina gita dakchakaniko on’enga.