West Garo Hills Districtni ningo adita Alda Nokrang ba hotelrang donga, aro bangbata alda nokrang Turao ong·a. Turao donggipa Circuit Houseko A·dokni Sorkari nirok sandia. Una agreba adita Dak Bungalowrang, Rest Houserang aro Inspection Bungalowrang donga, jekon districtni ningo donggipa dingtang dingtang A·dok sorkarini departmentrang nirok sandienga. Ia alda nokrangara mongsongbatede biap damsaoni damgipinona songre songabadgipa officerrangna ong·bata, indiba iarangoni bangbata biaprangko sorkarini kamna jakalna nangjamittingo,ramram songregiparangba tangka game waltuna gita man·a.