Tura Civil Hospitalni gimin
Tura Civil Hospital ge 200 palangrang gnanggipa Districtni General hospital ong·a aro ia hopital Turani Dermile biapo donga. Hospitalni buildingko 1988 bilsio oprakaha. Ia hospital sepangjolo donggipa Assam a·dokni manderangna aro Garo Hillsni ge 5 districtrangna sana banani bidingo dakchakaniko on·enga.
Tura Civil Hospital dingtangmancha General Medicine, General Surgery, Pediatric Surgery, Plastic Surgery, Orthopedics Surgery, Otorhinolaryngology, Ophthalmology, Oncology, Dermatology, Psychiatry, Dentistry, Physiotherapy aro AYUSHni bidingo sananirangko on·a.
Ia hospitalo OT ba Operation Theater, Blood Bank( an·chirangko chimonge donchakram), ICU, ART Centre, NCD, Clinic Laboratory, Molecular Laboratory donga aro un baksana konta 24 na Emergency ba ranggitik nangchongmotgipa sana bananirangko daka .